Mi-responde dayon ang lokal nga kagamhanan sa Lungsod sa Piñan human masunog ang usa ka balay sa Barangay Poblacion South. Si Piñan Mayor Rommel Gudmalin, personal nga mitambong aron tan-awon ang kahimtangan sa pamilyang apektado ug masiguro ang agarang tabang.
Gihatagan sa LGU og unang ayuda ang nasunugang pamilya samtang giandam ang dugang suporta alang sa ilang pagbangon. Ang lokal nga kagamhanan nagtinabangay uban sa mga may kalabutan nga ahensya aron matubag ang mga kinahanglanon sa apektadong pamilya.
Nagpasalamat usab ang lokal nga kagamhanan sa tanang mga niresponde ug boluntaryo nga midali ug tabang sa insidente. Padayon ang panawagan sa panaghiusa ug pagtinabangay sa komunidad ilabi na sa panahon sa kalisod.(JENIFFER JR. DELICA)