Ipahigayon ning dakbayan sa Dipolog ang usa ka Street Dancing competition,subay sa pagsaulog sa Ika-25th P ‘agsalabuk Festival, nga ipahigayon karong umaabot Mayo 16, 2024 sa may alas 4:00 ang takna sa kahapunon.
Gidapit ang tanang katawhan ning syudad nga musalmot ug musaksi sa maong kalihokan aron mahimo kining mabulukon diin ang maong kalihokan salmotan sa 6 ka mga partisipante nga mga contingents aron maghatag ug hugyaw sa mga tumatan-aw.
Sa maong kalihokan adunay 3 ka mga Dancing Stations diin ang mga contingents mupakita sa ilang sayaw sa makadyot ngadto sa mga hurado ug diin ang Station 1 infront sa Holy Rosary Cathedral, S-2 atubangan sa kanhi Friends Burger sa dalan Rizal ug S-3 atubangan sa Lee Plaza Central sa dalan Quezon.
Sa umaabot Mayo 16 gikan alas 2:00 hangtod sa alas 7:00 sa kagabhion, adunay temporaryong pagsirado sa mga kadalanan alang sa nahisgutang street dancing competition samtang pipila sa mga dalan usab ang magpabiling bukas alang sa publiko.
Sa pikas bahin, ang kagamhanang lokal ning dakbayan naghangyo ug pagsabot sa gamay nga kausaban, aron mahimong malampuson ang maong kalihokan. (Medalyn U.Borja)
(Source: Dipolog City Government)