Ipabati karong Nobyembre 25, 2022 ni Gov. Rosalina Jalosjos ang State of the Children Report didto sa ZN Convention and Sports Center, Estaka, Dipolog City.
Kini agig pakigduyog sa kasaulugan sa National Children’s Month nga adunay tema nga “Kalusugan, Kaisipan at Kapakanan ng Bawat Bata Ating Tutukan” Kini usa sa mga program sa Department of Social Welfare and Development diin ang atong kagamhanang probinsyal naghimo usab ug mga programa alang sa mga kabataan pinaagi ni Governor Jalosjos nga usa usab sa iyang gitutukan sa iyang administrasyon.
Kahibaloan, nga subsob karon ang kampanya sa Provincial Social Welfare and Development Office nga mahatagan gayud ug mga maayong programa ang mga kabataan sa lalawigan.
Ang maong buhatan nagsugod na og hatud sa mga serbisyong sosyal pinaagi sa programang “Gugma-Ayuda ni Nanay Nene” sa 25 ka lungsod ug 2 ka syudad sa tibuok lalawigan.
(Source: Provincial Information Center Zanorte Facebook page)
