Patay na nga naabot sa tambalanan ang usa ka Canadian National human nalumos sa dagat.
Ang aksidenti nahitabo pasado alas 5:00 kagahapon sa hapon, Nobembre 18, 2022, didto kini sa duol sa Amigo Diveshop, Barangay Basdiot, Lungsod sa Moalboal, Probinsya sa Sugbo.
Giila ang biktima sa Moalboal Police Station pinaagi sa ilang hepe nga si PCPT Elmond John Mondaya nga mao si Aaron Fisher, 37 anyos ang panuigon, kasamtangan nagpuyo sa Brgy.Panagsana sa mao ra nga lungsod.
Sa inbestigaston nga gihimo sa kapulisan sa Moalboal nasayran nga nananghid ang maong langyaw sa iyang hinigugma nga si Shiela Salas aron maligo sa dagat.
Apan wala ni sugot si Salas kay walay maka guide niini pero nagtuman gyud kini sa iyang gusto.
Paglabay sa pipila ka minuto nakadawat nalang siya og taho nga nalumos na kini.
Gisulayan unta sa pag CPR si Fisher apan wala na kini gininhawa pa.
Dugang inbestigasyon ang gihimo karon sa Moalboal Police Station kabahin aa pagkalumos patay sa langyaw. (Renante Lada, photo courtesy of Moalboal Police Station)