Nagpahigayon og Special Satellite Registration ang Salug District Jail aron marehistro ang Persons Deprived of Liberty(PDL) alang sa umaabot nga eleksyon. Gipangulohan kini ni JCINSP Samuel A. Nasiad, Jail Warden, uban ang koordinasyon kang Victoria Baguio Daligdig, Election Officer III sa Salug, Zamboanga del Norte, ug unom ka personnel gikan sa Commission on Elections(COMELEC).
Mokabat sa 24 ka PDL ang malampusong narehistro atol sa kalihokan, nga naghatag kanila og kahigayunan nga makabotar sa umaabot nga proseso sa eleksyon. Gipakita sa inisyatiba ang padayon nga paningkamot sa mga otoridad sa pagseguro nga matag kwalipikadong indibidwal, bisan anaa sa kustodiya, makagamit sa ilang katungod sa pagboto.
Sumala sa pamunuan sa bilangguan, ang maong lakang usa ka konkretong paagi sa pagpalig-on sa partisipasyon sa tanang sektor sa katilingban ug paghatag og hustong kahigayunan sa matag botante.(JENIFFER JR. DELJCA)
Source: Salug District Jail-BJMPR9