Giduso ni Second District Board Member Michael “Jojo” Documento ang hingpit ug hugot nga implementasyon sa Drug-Free Workplace Ordinance sa tibuok Zamboanga del Norte atol sa regular session sa Sangguniang Panlalawigan niadtong Enero 19, 2026.
Matod pa ni Documento, ang ordinansa usa ka hinungdanong lakang sa pagpalig-on sa kahimsog, disiplina, ug seguridad sa mga opisina sa gobyerno ug pribadong sektor. Giingon niya nga ang paglakip sa random drug testing makatabang sa pagmintinar sa luwas ug himsog nga palibot sa trabahoan samtang nagapanalipod sa integridad sa mga institusyon.
Gipasabot sa maong miting sa Sangguniang Panlalawigan sa lungsod nga padayon ang hulga sa iligal nga droga sa probinsya, busa ang Drug-Free Workplace Ordinance angay ipatuman isip ehemplo sa probinsya isip mother local government unit. Kini, matod niya, dili lang pagsunod sa nasudnong polisiya kondili usa ka lig-on nga baruganan sa pagpanalipod sa katawhan ug kalinaw sa komunidad.(JENIFFER JR. DELICA)
Source: Zamboanga del Norte Provincial News Network