Gipatuman sa Salug District Jail ang inspeksiyon, validation, ug geotagging sa giplanong lokasyon sa perimeter fence isip lakang sa pagpalig-on sa seguridad ug pagpaayo sa pasilidad sa prisohan.
Gipangulohan ang kalihokan ni Jail Warden JCINSP Samuel A Nasiad, kauban si Engr. Ruel A. Ogoc, Assistant Area Engineer, ug mga kawani sa Zamboanga del Norte Provincial Engineering Office, aron masiguro ang tukmang plano ug hustong kahimtangan sa proyekto.
Ang inisyatiba nagpakita sa tinud-anay nga serbisyo sa Salug District Jail sa luwas nga pagdumala sa mga persons deprived of liberty, pagpalig-on sa seguridad, ug hugot nga kooperasyon sa lain-laing ahensiya, subay sa nasudnong pamantayan sa lihok og palibot sulod sa piitan.(JENIFFER JR. DELICA)
Source: Salug District Jail- BJMP R9