Padayon ang paglambo sa solar streetlight project sa lungsod sa Sirawai, Zamboanga del Norte human madawat sa munisipyo ang dugang 100 ka sakong semento nga gihatag ni Gov. Darel Uy isip suporta sa maong inisyatibo.
Gamiton ang dugang semento sa pag-instalar sa 100 ka solar-powered streetlights nga ipahimutang sa lagyo ug hilit nga mga barangay nga dugay nang nag-atubang og kakulangon sa kuryente. Gitumong sa proyekto ang paghatag og kahayag sa kadalanan, pagpalig-on sa seguridad, ug pagpaayo sa kaluwasan sa mga molakaw ug mibiyahe ilabi na sa kagabhion.
Sumala sa lokal nga mga opisyales, dako ang tabang sa donasyon aron mapadali ang trabaho ug masiguro ang hapsay nga pagpatuman sa proyekto.
Samtang, gipaabot sa mga residente ang ilang pasalamat kang Gov. Uy tungod sa iyang paspas nga pagtubag sa panginahanglan sa komunidad, nga giila nilang usa ka hinungdanong lakang padulong sa dugang kalambuan sa Sirawai.(IKEN B. GULLEM)
Source: Zamboanga del Norte Provincial News Network