Gipalig-on sa Provincial Government of Zamboanga del Norte ang panagtambayayong niini sa mga social welfare officers sa lalawigan aron mas mapaduol ug mapalambo ang paghatag sa mga serbisyong sosyal ngadto sa mga komunidad.
Kabahin niini ang courtesy call sa mga opisyal ug miyembro sa Association of Local Social Welfare and Development Officers of the Philippines (ALSWDOPI)-Zamboanga del Norte Chapter kang Governor Darel Dexter T. Uy sa Provincial Capitol niadtong Hulyo 2.
Gipangunahan ni ALSWDOPI Chapter President Alfeo R. Bubutan ang delegasyon uban ni Acting Provincial Social Welfare and Development Officer Hannah Lou G. Mandantes, mga Municipal Social Welfare and Development Officers (MSWDOs), ug Social Welfare Officers (SWOs) gikan sa nagkalain-laing lungsod sa lalawigan.
Atol sa panagtagbo, gipalig-on ang koordinasyon tali sa Provincial Government ug sa social welfare sector aron mas mapalambo ang implementasyon sa mga programa alang sa proteksyon, kaayohan, ug pag-atiman sa mga pamilyang nanginahanglan og suporta.
Gipasalig ni Gov. Uy nga magpadayon ang suporta sa administrasyon sa mga inisyatiba sa social welfare sector, ilabina sa mga programa nga nagtumong sa paghatag og mas episyente, inklusibo, ug responsibong serbisyo sa katawhan sa Zamboanga del Norte.(IKEN B. GULLEM)
Source: Zamboanga del Norte Provincial News Network