Nakompiska sa gipahigayon nga buy- bust operation ang daghanang smuggled nga sigarilyo nga gipanguluhan sa Rizal Municipal Police Station inubanan sa ZAMBOANGA DEL NORTE PROVINCIAL INTELLIGENCE UNIT(ZN PIU),1st ZNPMFC ug mga personahe sa 97th Infantry Battalion, Philippine Army.Didto sa Purok 3,Barangay East Poblacion,Rizal Zamboanga del Norte sa may alas 4:50 sa hapon Abril 29,2025.
Ang pag inbentaryo gihimo mga alas 5:30 sa hapon sa susama ra gihapon nga adlaw, hinungdan sa pagkasikop sa duha ka suspetsado nga nailhan sa pangalan nga alyas Badong , 40 anyos, usa ka balo ug residente sa Barangay Sta. Felomina, Dipolog City Zamboanga del Norte, ug ang ikaduhang suspetsado nga si alyas Myrna,26 anyos, dalaga, usa ka kahera, residente sa Head Tipan, Mutia Zamboanga del Norte.
Ang mga nakompiskang smuggled cigarettes naglangkob sa 1.)One master cases of New Berlin cigarettes( isip buy-bust evidence) 2.) 10 master cases of New Berlin Cigarettes 3.) 10 master cases of Champion cigarettes, usa ka 1,000 ka pesos isip buy-bust money ug 19,000 ka pesos isip boodle money.
Adunay 21 ka master cases sa kinatibuk- ang total sa nakompiska nga smuggled nga sigarilyo nga gibanabana nga mocostar sa ₱1,203,300 pesos diin gi base kini sa Bureau of Custom’s standard valuation matag usa ka case adunay kantidad sa ₱53,300, ka pesos.
Ang mga nakuhang ebidensya atol sa inbentaryo ang anaa usab ang presensya sa Barangay Kapitan Hon. Rhodelio Suello ingon man ni Emilio Manigsaca RHU personnel.
Ang mga nakompiskang item gidala gilayon sa Rizal MPS para sa dokomentasyon ug ang duha ka suspetsadong dinakpan sa pagkakaron ang anaa na sa kustodiya sa Rizal MPS diin magpaabot sa kasong ipahamtang batok kanila.(Angelica T. Obina)