Gipatuman sa Siocon District Jail ang usa ka lecture ug demonstration sa hustong handcuffing techniques isip kabahin sa padayong pagpalig-on sa kahusayan sa mga personnel. Ang kalihokan gipangulohan ni Acting Jail Warden JCINS P Achmed Aziz A Pia kauban ang STAR Team sa prisohan.
Gipunting sa maong demo ang husto nga posisyon sa pagbutang sa posas, sakto nga pagdumala sa Persons Deprived of Liberty, koordinasyon sa mga personnel, ug kahibalo sa sitwasyon aron malikayan ang risgo ug mapadayon ang kontrol sa operasyon. Gipasiugda usab ang pagsunod sa mga polisiya ug standard operating procedures sa Bureau of Jail Management and Penology.
Pinaagi sa maong kalihokan, napalig-on ang kahandam, disiplina, ug propesyonalismo sa mga personnel, samtang ginapanalipdan ang kaluwasan ug katungod sa mga PDL ug sa mga nag-alagad sa prisohan.(JENIFFER JR. DELICA)
Photo Courtesy: Siocon District Jail