Aktibong mitambong ang Sindangan District Jail sa awarding ceremony sa “BatangBakunadoProtektado” Photo and Caption-Social Media Contest isip suporta sa kampanya sa health education ug vaccination awareness sa komunidad.
Ubos sa liderato ni JCINSP Arvin Dan R. Aguito, Jail Warden, ang jail personnel nakig-uban sa kalihokan nga gipahigayon sa RHU Sindangan pinaagi sa Sindangan Health Education and Promotion Office (HEPO) aron palig-onon ang kampanya sa pagpanalipod sa panglawas sa kabataan pinaagi sa bakuna.
Nanguna sa partisipasyon sa distrito jail sila JO1 Rosel Duhaylungsod, Unit Jail Nurse, ug JO2 Cleo Jean Roco, Unit CRSO, nga mipakita sa padayon nga suporta sa institusyon sa mga programa nga nagpalambo sa wellness, edukasyon, ug kooperasyon tali sa jail ug komunidad.
Pinaagi sa maong inisyatiba, gipadayag sa Sindangan District Jail ang ilang dedikasyon sa pagpalig-on sa community partnership ug pagsuporta sa mga programang naghatag og proteksyon ug kahibalo alang sa panglawas sa katawhan.(JENIFFER JR. DELICA)
Source: Sindangan District Jail- BJMPR9