Mitambong ang Provincial Jail Administrator’s Office (PJAO) Zamboanga del Norte sa Joint Public Hearing kabahin sa proposed ordinance nga nagtumong sa pagpalig-on sa “drug-free workplace” sulod sa Provincial Government of Zamboanga del Norte.
Ubos sa superbisyon ni JSSUPT Abner C. Zamora, concurrent Provincial Jail Administrator, gipangulohan ni JSUPT Manuel U. Calibo, Assistant Provincial Jail Administrator, ang delegasyon sa PJAO atol sa hearing nga gipahigayon sa Sangguniang Panlalawigan Session Hall sa Capitol Site, Dipolog City.
Gitambongan usab sa nagkalain-laing ahensya sa gobyerno ug stakeholders lakip ang PADAC, ZNPPO, PDEA, DILG, ug mga provincial department heads aron hisgutan ang mga guidelines sa implementasyon, drug testing procedures, confidentiality sa resulta, employee rights, ug assistance programs alang sa mga empleyado.
Tumong sa maong ordinansa nga mapalig-on pa ang kampanya batok ilegal nga droga ug masiguro ang luwas, himsog, ug drug-free nga palibot sa trabaho sulod sa provincial government.(JENIFFER JR. DELICA)
Source: BJMP IX Provincial Jail Administrator’s Office- Zamboanga del Norte