Arrestado ang usa ka lalaki sa laing kaso nga pagpangawat pinaagi sa gikasa nga warrant of arrest didto sa Dapitan City Jail,Barangay Banonong Dapitan City sa may 2:50 sa hapon, Hunyo 19, ning tuiga.
Ang dinakpan nailhan sa pangalan nga Loloy, 27 anyos,ulitawo,walay trabaho ug residente sa Barangay Sicayab-Bucana Dapitan City.
Ang maong pagkasikop gihimo pinaagi sa gikasa nga warrant of arrest nga gi isyu sa sala ni Presiding judge Hilarion Jonathan Garcia Maagad sa MTCC, 9th Judicial Region, Dapitan City, pinetsahan Hunyo 11,2025 sa kasong Theft nga nakadokit ubos sa criminal case number 20870, diin adunay ra kini girekomendar nga pyansa nga mokantidad sa 10,000 ka pesos.
Gipanguluhan ang among operasyon sa 5th Special Operation Unit-Maritime Group(Mabuhay SBC) inubanan sa Dapitan Pnp ug Dapitan City Jail Authorities.
Sa pagkakaron ang suspetsado ang anaa sa gihapon nagpabalin sa kustudiya sa Dapitan City Jail alang na sa tukmang disposasyon.(Angelica T. Obina)