Usa ka Serbisyo Caravan na usab ang gipahigayon alang sa mga residente sa Brgy. Palalian, Kalawit, Zamboanga del Norte,niadtong Mayo 27,2026.
Ang maong kalihokan aktibong gisalmotan sa mga personahe sa Kalawit MPS nga gipangulohan ni PCPT CASMIR N MARTINEZ, OIC diin ang nasangpit nga caravan gipasiugdahan sa LGU ubos sa pagpungulo ni Kalawit Municipal Mayor HON. MAYOR ARCEL C. ANTOJADO.
Gitanyag sa nasangpit nga Caravan ang mga libreng serbisyo sama sa haircut, circumcision, manicure, pedicure, foot spa, massage, medical outreach, food packs gikan sa DSWD, feeding program, ug uban pang gitanyag nga serbisyo alang komunidad.
Aron masiguro ang hapsay nga pagpahigayon sa kalihokan,ang mga personahe nihatag og tabang sa seguridad, nagmintinar sa kalinaw ug kahapsay ug mitabang sa panon sa katawhan.
Mihatag ug impormasyon ngadto sa publiko ug sa mga residente pinaagi sa pagpakaylap ug kahibalo kabahin sa pagpugong sa krimen, anti-illegal nga droga, ug kahibalo sa kaluwasan.
Nipasalig ang PNP nga pinaagi sa kalihokan ug pakigtambayayong sa komunidad ,padayon ang ilang suporta sa mga programa nga duol sa publiko nga nagdala sa mga importanteng serbisyo.(MEDALYN U. BORJA)
Source: PNP Kalawit MPS