Gipahigayon ang usa ka “Sentinel Protocol Program Orientation” ug “Memorandum of Agreement kon MOA Signing” alang sa mga “Hog Raisers” ning siyudad niadtong January 09, 2024 didto sa Ground Floor, Museo Dipolog nga gipangunahan sa Department of Agriculture Region IX uban sa pakigtambayayong sa Kagamhanang Lokal ning dakbayan.
Tumong sa maong kalihokan nga mahatagan og kahibalo ang mga “Hog Raisers” ning siyudad may kalabot sa “Sentinel Protocol Program” diin usa kini ka programa sa pagpasi-una sa “repopulation” sa baboy aron madugangan ang produksiyon niini, ug pagkahuman, mapalig-on ang suplay ug presyo sa baboy. Nasayran nga ang target niining maong programaha mao kadtong mga rehiyon o lugar nga bag-o pa lamang na-apektuhan sa African Swine Fever kon ASF.
Mitambong sa maong kalihokan si City Mayor Darel Dexter T. Uy uban nila ni DA IX Regulatory Division Chief, Dr. Darwin Lloyd D. Sulay, Regional Livestock Program Coordinator, Mr. Erwin R. Salinas, INSPIRE Focal Person, Isel R. Fetalvero, Provincial Veterinarian, Dra. Sunday Dawn Bagatua ug City Veterinarian, Dra. Imelda R. Villacrucis, kinsa mipabati sa ilang tagsa-tagsa ka mga mensahe atol sa kalihokan. Aduna usa’y MOA Signing nga gipahigayon human sa pagpa-ambit sa ilang mga mensahe.
Nasayran nga traynta (30) ka mga resipiyentes ang makadawat og 3 ka baktin nga tag 60 ka adlaw ang pangidaron, diin ipa-ilawom kini sa “testing” aron sa pagsuta kon aduna pa gihapon sila’y kagaw gikan sa ASF, ona i-deklarar nga “pink zone” ang ilang matag lugar.
(Source: Dipolog City Government Facebook page)