Gipahigayon sa Lokal nga Pangagamhanan sa Rizal ang Self-Enhancement Capability Building Training alang sa mga senior citizens aron mapalig-on ang ilang kahibalo, kahanas, ug kaayohan.
Tumong sa maong pagbansay ang pagdasig sa positibong panghunahuna, pagpalig-on sa pagsalig sa kaugalingon, ug paghatag og kahibalo aron magpabiling aktibo, produktibo, ug mas lig-on ang mga senior citizens sa komunidad.
Gisuportahan ang kalihokan ni Mayor Marissa Manigsaca isip kabahin sa padayon nga pagpatuman sa mga programa nga nagtutok sa kaayohan ug kapakanan sa mga tigulang sa lungsod.
Pinaagi sa maong inisyatibo, nagpadayon ang Lokal nga Pangagamhanan sa Rizal sa paghatag og mga programa nga nagpalig-on sa dignidad, pag-atiman, ug suporta alang sa mga senior citizens ug uban pang sektor sa komunidad.(JENIFFER JR. DELICA)
Source: Municipality of Rizal