Nakigsaulog sa ika-47 nga adlawng natawhan ni Governor Darel Dexter T. Uy ang Sibutad Municipal Hospital pinaagi sa pagpang-apod-apod og food packs ngadto sa mga pasyente, ilang mga bantay, ug mga kawani sa tambalanan sa Barangay Magsaysay, Sibutad.
Gipangulohan ni Dr. Maria Margarita S. Romanillos ang maong kalihokan uban ni Sibutad Mayor Edilbrando B. Lagudas, diin ilang gipadayag ang pasalamat sa gobernador alang sa padayon nga suporta sa mga programa, proyekto, ug ilabina sa pagpalapad sa serbisyong medikal sa lungsod ug sa tibuok probinsya.
Mipadayag usab og pagpasalamat ang mga pasyente nga nakadawat sa packed lunch, nga ilang gihulagway isip timailhan sa pag-atiman ug paghinumdom sa katawhan. Ilang giingon nga dako ang natabang sa mga programa ug serbisyong ilang nabatonan ubos sa kasamtangang liderato sa probinsya.
Sumala sa mga opisyal ug benepisyaryo, ang maong inisyatiba nagpakita sa padayon nga paghatag og serbisyo ug pag-atiman sa katawhan, samtang gisaulog ang usa ka mahinungdanong okasyon pinaagi sa pagpaambit sa mga nanginahanglan.(JENIFFER JR. DELICA)
Source: Zamboanga del Norte Provincial News Network