Ang buhatan sa sektor sa Edukasyon ning lalawigan sa Zamboanga del Norte nisalmot sa gipatigayon nga Health Advocacy Campaign Media Forum pinaagi sa temang “BAKUNA ESKWELA”, nga gipahigayon didto sa Mibang Hotel, ning dakbayan sa Dipolog, Oktubre 4, 2024.
Ang maong kalihokan ubos sa pagdumala sa buhatan sa Provincial Health Office pinangunahan ni Dr. Eduardo M. Luayon, Provincial Health Officer ll sa kagamhanang probinsyal sa Zamboanga del Norte.
Tumong niini mao ang pakig koordenar sa Zamboanga del Norte media ,sa libre nga pagpakatap sa lig-on nga impormasyon kabahin sa kampanya gikan sa probinsyal nga administrasyon sa kahimsog, usa ka pamaagi alang sa Provincial Health Office sa pag-edukar sa publiko pinaagi sa kolaborasyon sa sektor sa edukasyon.
Naghisgot sa kamahinungdanon sa pag-atiman sa panglawas, pagbakuna, school-based immunization ug reproductive health advocacy nga pinaagi niini nga programa matabangan niini ang pagpalambo sa kahibalo sa mga estudyante ug mga magtutudlo.
Alayon niini ang kampanya sa pagkab-ot sa mga tinun-an sa Grade 1, 4 ug 7 nga wala pa makadawat sa bisan unsang matang sa pagbakuna.
Gihatagan niinig gibug-aton nga ang kampanya adunay mahinungdanong bili ug kini dili lamang alang sa panglawas sa mga bata kon dili alang sa kinatibuk-ang kaayohan sa komunidad ug usa ka pasalig sa pagsiguro nga walay mga bata sa probinsya sa Zamboanga del Norte ang dili mabakunahan.
Pinaagi sa practitioner sa media gikan sa nagkalain-laing independenteng estasyon sa radyo nakiglambigit sa mga diskusyon, pagpatin-aw ug gitumong ang mga kritikal nga panabut nga makatabang ang sektor sa pagpalapad sa mga kampanya sa adbokasiya sa sektor sa panglawas. (Medalyn U. Borja)
(Source: Provincial Government of Zamboanga del Norte)