Nagmalampuson ang Security Coverage sa mga personahe sa Dapitan City Police Station sa gipahigayon nga Indigenous People Summit 2025, didto sa Multi-Purpose Covered Court sa Barangay Masidlakon, dakbayan sa Dapitan ning Probinsiya sa Zamboanga Del Norte, niadtong Setyembre 27, 2025.
Nasayran nga ang nasangpit nga Security Coverage sa Dapitan Pnp, gipangunahan nila ni PCpl Edwin P Malaubang Jr. Ug ni Patrolman Andres D Ruiz Jr. Pinaagi sa direktang superbisyon ni Pltcol Eva Joy E Capurcos, ang Officer-In-Charge sa Dapitan City Police Station, aron mahatagan og seguridad ang atong mga kaigsuonan nga mga Subanen, nga mipahigayon sa maong panagkatigom, aron sa panaghisgot sa pagpalungtad sa ilang mga kabilin.
Matud pa nga tumong usab sa naasoy nga Summit, aron ilang mapabilin sa panumdoman ang Subanen Identity and Cultural Heritage, ngadto sa mosunod nga mga henerasyon sa ilang mga kaliwatan, aron ang ilang kultura magpabilin nga buhi, hangtod sa kahangturan.(Julius Esmade)