Suportado sa Dapitan City Official’s ang Basec Training Course, alang sa Kawan / Troop Leaders and Outfit Advisors, nga gipahigayon didto sa Dapitan City National High School, niadtong nakalabay’ng adlaw Agusto 08, 2025.
Ang nasangpit nga mga Opisyales sa dakbayan sa Dapitan, gipangunahan nila ni Ruel S. Nadela, isip Chairman of the Committee on Education, maingon man ni konsehal Bienvenido T. Dini-ay, diin sa msong higayon, ilang gipakita ang ilang dakong suporta sa naasoy nga opening program, sa Division Orientation on Children’s Right’s and Basic Training Course (BTC).
Nasayran nga milungtad og tulo ka adlaw ang nasangpit nga aktibidad, diin kini organisar sa Department of Education (DepEd) Dapitan City Division, sa pakigtimbayayong sa Boy Scouts of the Philippines (BSP) ug ZANDIDAP Council, diin ang msong aktibidad, taman kagahapong adlawa, Agusto 10, 2025.
Tumong matud pa sa maong programa aron makagbaton ang mga partesipante niini og mga gikinahanglan nga mga Scouting Skills, aron mapalambo usab ang ilang kaugalingon, alang sa pagpanguna sa ilang mga tahas, sa pag- organisar ug pagsustiner sa ilang grupo alang sa benepisyo sa mga young Scouts. (Julius Esmade)
Source: CITY GOVERNMENT OF DAPITAN