Gitambungan mismo sa City Agriculturist sa Dapitan, pinaagi ni Agriculturist Cyril Patangan, ang gipahigayon nga Turn-over Ceremony sa mga Agricultural Machinery Farm Equipment, diini kini gipahigayon sa Zamboanga Del Norte Convention and Sports Center, sa Barangay Estaka ning Dipolog, niadtong nakalabay’ng adlaw, Agusto 07, 2025.
Nasayran nga usa sa nahimong benepisaryo sa nasangpit nga programa, maong ang Barcelona Farmers Association, sa dakbayan sa Dapitan, diin ilang nadawat ang duha ka units sa Mudboat, nga mokabat ang kantidad niini ngadto sa Php239,000.00, nga matud pa ubos kini sa National Rice Program, diin ang tinguha niini, aron nga mapalambo ang produksiyon sa humay sa mga mag-uuma ning probinsiya.
Dugang pa niini, ang naasoy nga Turn-over Ceremony, gitambungan usab ni Governor Darel Dexter Uy, isip pagpakita sa iyang dakong suporta sa programa alang mga Farmers, diin lakip nga mitambong niini ang mga Key Officials gikan sa Department of Agriculture, maingon man ang pipila ka mga Local Government Units.
Atua usab ang presensiya sa Mayor sa Dapitan, pinaagi ni Mayor Evelyn T. Uy, nga mipakita sa iyang todo suporta sa Farming Community og mipadayag kini sa iyang mensahe, sa ka mahinungdanon sa padayon nga kolaboradyon, tali sa Lokal ug National nga Ahensiya, aron makab-ot ang malungtaron nga kalamboan sa natad sa Agricultura, alang sa Food Security ning atong Nasud. (Julius Esmade)
Source: CITY GOVERNMENT OF DAPITAN