Magtapok ang liboan ka music lovers ug festivalgoers sa Dipolog Boulevard karong Hunyo 6, 2026 alang sa gipaabot nga “Saulog Concert 2026” isip kabahin sa selebrasyon sa “Saulog sa Bag-ong Zanorte 2026.”
Magsugod alas 7:30 sa gabii ang libreng concert nga tampukan sa performances sa mga sikat nga artists nga sila Maki, Theo Tiu, Donita Nose, Tekla, ug Road21 nga gilaumang maghatag og dako nga kalingawan sa mga manan-away.
Mahimong sentro sa musika ug kasadya ang Dipolog Boulevard nga nailhan isip usa sa mga pangunahing tourist attraction sa syudad diin andamon usab ang festive lights ug open-air entertainment alang sa publiko.
Giawhag ang mga residente ug bisita nga sayo pa lamang moadto sa venue tungod sa gilaumang dagsang katawhan sa usa sa labing gipaabot nga highlights sa kasaulogan karong tuiga.(JENIFFER JR. DELICA)
Source: Zamboanga del Norte Provincial News Network