Nagpatuman og PNP Ugnayan sa Barangay ang Dapitan City Police Station niadtong Mayo 26, 2026 sa Barangay Daro, Dapitan City aron mapalig-on ang community partnership ug pagpahibalo sa publiko batok sa kriminalidad.
Gipangulohan ni PEMS Jeremiah Sy, Patrol Supervisor, ubos sa direktang superbisyon ni PLTCOL Eva Joy E. Capurcos, Chief of Police, ang maong kalihokan diin gipanghatag ang Information, Education, and Communication materials ug gihimo ang mga lecture bahin sa Republic Act 9262 o Violence Against Women and Their Children ug crime prevention ug public safety tips.
Kabahin usab sa programa ang turnover sa Arnis sticks ug handcuffs ngadto sa mga barangay officials ug barangay tanods aron masuportahan ang ilang peacekeeping functions sa komunidad.
Gipanghatag usab ang hygiene kits ug snacks ngadto sa daycare pupils samtang gihatudan og refreshments ang tanang partisipante isip kabahin sa paningkamot sa PNP nga mapalig-on ang panaghiusa ug pagtinabangay sa komunidad alang sa kalinaw ug kahusay sa Barangay Daro ug tibuok Dapitan City.(JENIFFER JR. DELICA)
Source: PNP Dapitan City Police Station