Nagpahigayon ang Lokal nga Panggamhanan sa Salug ug ang Department of Social Welfare and Development (DSWD) sa Camp Coordination and Camp Management Training 2026 aron mapalig-on ang kahibalo ug kahimtang sa mga responder ug kaabag sa pagdumala sa mga evacuation camp panahon sa kalamidad.
Sulod sa tulo ka adlaw nga pagbansay gikan Agosto 4 hangtod 6, gihatagan ang mga partisipante og kahibalo sa husto nga koordinasyon, episyenteng pagdumala sa mga evacuation center, ug paghatag og makatawhanong serbisyo aron masiguro ang kaluwasan ug kaayohan sa mga apektadong komunidad.
Gilauman nga ang maong pagbansay makatabang sa pagpalig-on sa disaster preparedness ug sa mas organisado nga pagtubag sa mga emerhensiya pinaagi sa panagtinabangay sa lokal nga panggamhanan, DSWD, ug uban pang mga kaabag.
Pinaagi sa maong inisyatiba, padayon nga gipalig-on sa Salug ang kapasidad sa mga responder aron masiguro ang episyente ug responsableng pagdumala sa mga evacuation camp panahon sa mga kalamidad.(JENIFFER JR. DELICA)
Source: Municipality of SALUG