SALUG, ZAMBOANGA DEL NORTE — Nipatuman og strong police presence ang mga personnel sa Salug Municipal Police Station sa Barangay Canawan isip kabahin sa padayon nga paningkamot sa pagmintinar sa kalinaw ug kahusay sa komunidad.
Ang kalihokan gipangunahan ni Police Major Alexie A. Palisoc, Acting Chief of Police, uban sa tumong nga mapalambo ang visibility sa kapulisan sa mga lugar nga ginahanglan og dugang nga pagbantay.
Gipunting sa inisyatiba ang pagpugong sa posibleng kriminal nga kalihokan ug ang paghatag og kasiguruhan sa mga residente bahin sa ilang kaluwasan ug seguridad.
Pinaagi niini, gipakita sa Salug Municipal Police Station ang ilang padayon nga serbisyo sa pagmintinar og kalinaw ug sa paghatag og episyente nga serbisyo publiko ngadto sa katawhan.(JENIFFER JR. DELICA)
Source: Salug Municipal Police Station, ZNPPO