SALUG, ZAMBOANGA DEL NORTE — Nipatuman og information and education lecture ang Salug Municipal Police Station bahin sa Violence Against Women and Their Children alang sa mga benepisyaryo sa Pantawid Pamilyang Pilipino Program sa Barangay Mucas.
Gipangunahan ni Police Master Sergeant Jarel A. Daquipil, WCPD PNCO, ang kalihokan nga nagtumong sa pagpalapad sa kahibalo sa mga katungod ug proteksyon sa kababayen-an ug kabataan, ilabina sa mga balaod nga nagpanalipod kanila batok sa tanang porma sa pang-abuso.
Gihisgutan usab sa lecture ang nagkalain-laing porma ug epekto sa VAWC, lakip ang pisikal, emosyonal, sikolohikal, ug ekonomikanhong pang-abuso, ingon man ang kahinungdanon sa sayong pagreport sa mga insidente ngadto sa hustong mga awtoridad.
Ang maong inisyatiba nagpakita sa padayon nga serbisyo sa Philippine National Police sa pagpalig-on sa community safety, gender sensitivity, ug sa pagpanalipod sa mga sektor nga labing delikado sa pang-abuso, ilabina ang kababayen-an ug kabataan.(JENIFFER JR. DELICA)
Source: SALUG Municipal Police Station, ZNPPO