Nagpakita og aktibong suporta sa life-saving advocacy ang Salug District Jail pinaagi sa pag-apil sa bloodletting activity nga gipahigayon sa pakigtambayayong sa Philippine Red Cross–Zamboanga del Norte Chapter.
Ang kalihokan gipangunahan ni Acting Jail Warden JSINSP Rolly L. Paner ug nahimong kabahin sa pagsaulog sa ika-5 Founding Anniversary sa Kasangga Peacekeepers Brotherhood and Sisterhood Inc.
Kabahin usab kini sa pagtimaan sa ika-35 anibersaryo sa Bureau of Jail Management and Penology (BJMP), diin gipasiugda sa Salug District Jail ang ilang padayon nga pasalig sa humanitarian service, pagpalig-on sa panaghiusa sa komunidad, ug pag-apil sa mga programa nga makatabang sa pagluwas sa kinabuhi.
Pinaagi sa maong inisyatiba, gipakita sa Salug District Jail nga ang matag donasyon sa dugo mahimong paglaom ug ikaduhang higayon sa kinabuhi alang sa mga nanginahanglan niini.(IKEN B. GULLEM)
Source: Salug District Jail-BJMP R9