Mipahigayon og Courtesy Call ngadto sa buhatan sa Committee on Public Affairs sa Dakbayan sa Dapitan ang RPN- DXKD Radyo Ronda Dipolog, niadtong Hulyo 14, ning Tuig 2025.
Tumong sa gibuhat nga pagkurtesiya sa Personahe sa RPN-DXKD Radyo Ronda Dipolog sa nasangpit nga buhatan ni Konsehal Jonathan C. Cadiente, tungod ug alang kini sa MULO sa KATAWHAN, kabahin sa mga culorum nga mga Motor Cab ug mga Bao-bao nga nagbyahi sa Dakbayan sa Dapitan, nga nahimong kakompetinsiya sa mga lehitimong Motor Cab Driver ug Operator sa nasangpit nga Syudad.
Tungod sa naasoy nga MULO SA KATAWHAN nga gipadangat sa buhatan ni Konsehal Cadiente, Gibutyag niini, nga kompleto ang Ordinansa sa ilang Dakbayan alang sa paghatag og pagtagad sa Problema nga gipadangat ngadto kaniya, ug si Konsehal Cadiente miingon, nga iya una nga ipadangat ang naasoy nga concern ngadto sa implementing agency, aron usab mapatuman na ang balaod ug masilotan mga masinupakon sa Ordinansa sa nasangpit nilang Dakbayan.
Nanaad usab si City Councilor Jonathan Cadiente nga pagka iya na kining napadangat sa Implementing Agency, iyang imbitahon ang Personahe ning maong sibyahan aron iyang ihatag ang iyang pahayag alang sa katagbawan sa nagpadangat sa naasoy, nga MULO SA KATAWHAN.(Julius Esmade)