Midali og responde ang duha ka personnel sa Regional Mobile Force Battalion 9 (RMFB9), sila Pat. Ballad ug Pat. Aguilar, ngadto sa usa ka vehicular accident sa Mercedes Road, Barangay Mercedes, diin ilang gihatagan dayon og first aid ang duha ka naangol.
Ang lalaki ug babaye nga biktima nakaangkon og gagmayng samad sa nawong ug siko. Gi-assess dayon sa mga responder ang ilang kahimtang ug gihatagan og inisyal nga medikal nga pag-atiman aron malikayan ang dugang komplikasyon.
Gipabilin usab sa RMFB9 personnel nga luwas ug hapsay ang pag-atiman sa duha ka biktima samtang naghulat sa dugang medikal nga evaluasyon.
Sumala sa RMFB9, ang maong insidente nagpakita sa ilang padayong kaandam sa paghatag og paspas, propesyonal, ug episyenteng emergency response aron mapanalipdan ang kinabuhi ug kaluwasan sa komunidad.(JENIFFER JR. DELICA)
Source: PNP Regional Mobile Force Batallion 9