Padayon gihapon ang Dipolog City Government sa pagpatuman sa “Rice for All” Program, nga nagtanyag og bugas sa publiko sa mas baratong presyo nga ₱20 matag kilo, niadtong buntag sa Marso 11, 2026 sa D’Food Hub and Events Center daplin sa Dipolog Boulevard.
Kini nga programa gipangulohan sa City Agriculture Office of Dipolog sa pakigtambayayong sa Department of Agriculture aron matabangan ang mga residente nga makapalit og de-kalidad nga bugas sa abot-kayang presyo.
Tumong sa iniysatiba aron mapagaan ang gasto sa adlaw-adlaw nga panginahanglan sa mga pamilya, ilabi na sa pagsaka sa presyo sa mga palaliton.
Gilauman usab nga pinaagi sa maong programa, masiguro ang access sa pagkaon ug mapalig-on ang food security sa komunidad sa siyudad.(IKEN B. GULLEM)
Source: Dipolog City Government