Nagpahigayon og health education session ang Rural Health Unit (RHU) sa Sindangan bahin sa pagpugong sa Chronic Kidney Disease (CKD) sa Outpatient Department (OPD) ug Dialysis Center niadtong Hunyo 29, 2026, isip kabahin sa pagsaulog sa World Kidney Day.
Tumong sa maong kalihokan ang pagpataas sa kahibalo sa publiko bahin sa pag-atiman sa kidney, sayong pagpakita sa sakit, ug mga paagi sa pagpugong aron mamenosan ang risgo sa Chronic Kidney Disease.
Gipasiugdahan ang lecture sa mga Medical Student Doctors gikan sa Ateneo de Zamboanga School of Medicine nga sila Shamgar Subardiaga, Shaina Mae Evangelista, Mailanie Isahac ug Fatma Shameem Tahir, ubos sa pagdumala ni Dr. Rex Samson sa RHU Sindangan.
Matud sa RHU Sindangan, ang padayon nga health education maoy usa sa mga epektibong paagi aron mapalig-on ang kahibalo sa komunidad ug madasig ang matag usa sa pag-atiman sa ilang panglawas aron malikayan ang mga sakit sa bato.(JENIFFER JR. DELICA)
Source: RHU Sindangan