Dipolog: Regionwide Distribution of Land Titles, Farm Machineries & Equipment Program ni Presidente Marcos Jr., nagmalampuson

0
5
photo courtesy by Medalyn U. Borja

Malampusong napatigayon ang usa ka mahinungdanong programa ubos sa administrasyon ni Presidente Ferdinand “Bongbong” Marcos Jr. atol sa iyang pagbisita dinhi ning syudad sa Dipolog, nga mao ang Regionwide Distribution of Land Tittles, Farm Machineries & Equipment, nga gitambungan sa mga napili nga mga benepisyaryo, nga gipahigayon didto Zanorte Convention and Sports Center, Estaka ning dakbayan sa Dipolog, Zamboanga del Norte, Mayo 24, 2024.

Ang maong programa gipasiugdahan sa kagamhanang probinsya ning lalawigan sa Zamboanga del Norte,pinaagi ni Governor Rosalina “Nanay Nene” Jalosjos nga gisalmotan usab sa pipila ka mga opisyal sa gobyerno ning lalawigan sa Zamboanga del Norte nga gilangkuban nila ni Dipolog City Mayor Darel Dexter T. Uy, Dapitan City Mayor Bullet Jalosjos, LGU’s sa 3 ka probinsya, personahe sa Departamento sa Agrarian Reform, Landbank official, ug sa 4,456 ka mga agrarian reform beneficiaries gikan sa 3 ka Probinsya nga gilangkuban sa Zamboanga del Sur, Zamboanga Sibugay, ug Zamboanga del Norte nga nisalmot ug nakatagamtam sa mahinungdanong programa.

Ang Gobernador ning lalawigan sa Zamboanga del Norte nga si Governor Rosalina Nanay Nene Jalosjos atol sa programa mipadayag sa iyang mensahe ug pasalamat ngadto kang Presidente “Bongbong” Marcos Jr. sa paghatag sa mga mag-uuma ug kahigayonan nga makaangkon ug tituladong umahan alang sa ilang panginabuhian sa ektarya nga yutang pang-agrikultura ug mga ekipo nga kinahanglan sa mga umahan.

Samtang, si Department of Agrarian Reform Secretary Conrado Estella III, nibutyag sa maayong programa nga gidala sa administrasyon sa Pangulo nga makahatag ug dakong tabang ilabi na sa mga mag-uuma, sa pag angkon sa mga tituladong luna sa umahan sa matag probinsya nga ang pag-uma ang nag unang panginabuhian sa mga katawhan sa nasangpit nga mga probinsya.

Si Presidente “Bongbong” Marcos mipaabot usab sa iyang usa ka mahinungdanong mensahe alang sa mga mag-uuma nga makabenipesyo sa maong programa, nga magpadayon ang iyang tabang ug suporta alang sa mga mag uuma sa agrikultura, nga padayung muuswag ilawom sa iyang administrasyon hangtod sa katapusan sa iyang katungdanan.

Dugang pa ang maong pag apod-apod sa mga titulo alang sa mga mag uuma sa sektor sa agrikultura ug mga ikipo, naghatag ug importansya sa mga mag uuma nga makatabang sa pagpalambo sa umahan ubos sa administrasyon ni Presidente Marcos nga naglatid sa mensaheng Bag-ong Pilipinas. (Medalyn U. Borja)

Leave a Reply