Maayong pagka disgrasya ang usa ka graduating student human madisgrasya sa national highway sa Barangay Gulayon, Dipolog City, kagabie, Mayo 24, 2024.
Ang naaksidente giila nga si Cristy Dionsay, diin nagtongha sa Jose Rizal Memorial State University (JRMSU), taga Barangay San Pedro Polanco, Zamboanga del Norte.
![](https://rpnradio.com/wp-content/uploads/2024/05/JRMSU-student-caught-in-road-accident-in-Gulayon-National-Highway-204x300.jpg)
Matud pa sa imbestigasyon nahibaw-an ang biktima nagmaniho sa iyang motorsiklo nga Honda Click, color blue didto sa nahisgotang dalan wala kini makabantay sa signage nga gibotang hinungdan nga iya kining nadasmagan.
![](https://rpnradio.com/wp-content/uploads/2024/05/JRMSU-student-caught-in-road-accident-in-Gulayon-National-Highway2-225x300.jpg)
Ang estudyante maayong pagkaumod ug nahiagom sa daghanang samad sa ulo ug bunol sa ubang parte sa kalawasan tungod kay wala kini magsuot sa helmet.
Atol sa aksidente swerte nalang gayod nga adunay ambulansya ang nagsunod kaniya maong dali kini nga narespondehan paghatud sa tambalanan.
Kahibaloan nga ang maong kalsada kamulo pang giayo apan matud pa walay klarong warning device ug walay klarong reflector. (Angelica T. Obina)
(Source: Dipolog Police Station)