Naghimo og Red Teaming inspeksyon si PLTCOL Ramon I Bautista Jr., Force
Commander sa 2nd Zamboanga del Norte Provincial Mobile Force Company sa Sirawai Municipal Police Station aron masuta ang kahandam ug seguridad sa kapulisan ilabi na karong panahon sa Kapaskuhan.
Tumong sa inspeksyon ang pag-testing sa reaksyon sa mga pulis pinaagi sa simulated threat scenarios aron mailhan ang posibleng kahuyang sa seguridad sa estasyon.
Pinaagi niini, masiguro nga andam ang tanang personnel sa pag-atubang sa kriminalidad ug emerhensiya.
Sumala kang PLTCOL Bautista, importante ang maong inspeksyon aron mapalig-on ang pagsunod sa mga protocol ug mapadayon ang accountability sa hanay sa kapulisan.
Kini nga Red Teaming inspeksyon usa ka pahinumdom sa padayong paningkamot sa Philippine National Police sa paghatag og luwas ug malinawon nga komunidad alang sa tanan.(IKEN B. GULLEM)
Source: Zamboanga del Norte 2nd PMFC