Malampusong gipahigayon sa Liloy District Jail ang usa ka Christmas Gift-Giving Activity nga gipangunahan ni Dr. Rosalyn Luis, Doctor sa Barrio sa Liloy, Zamboanga del Norte, uban ang mga kawani sa Rural Health Unit (RHU).
Ang kalihokan gi-supervise ni JINSP Ricky C. Anito, Deputy Jail Warden, uban ang tabang ug suporta sa mga personnel sa maong yunit.
Sa maong kalihokan, piniling mga Persons Deprived of Liberty (PDLs) nakadawat og hygiene kits ug mga grocery items aron matubag ang ilang mga batakang panginahanglan ug mapalambo ang ilang kahimsog ug kaayuhan sa lawas. Gihatagan usab og higayon ang mga PDLs nga ipadayag ang ilang yano nga mga pangandoy, paglaum, ug mga panginahanglan alang sa holiday season.
Gipahigayon ang kalihokan diha sa tinuod nga diwa sa Pasko, isip usa ka matinud-anong pagpakita sa pagkamanggihatagon ug kalooy.(IKEN B. GULLEM)
Source: Liloy District Jail-Bjmpr9