Nagpadayon ang paningkamot sa kapulisan sa pagpalig-on sa relasyon sa komunidad pinaagi sa usa ka dialogue ug coconut planting activity nga gipahigayon sa R-PSB Team sa ZN 2nd PMFC uban sa Cocob Alsa Masa Farmers Association sa Barangay Upper Cocob niadtong Mayo 16.
Ang maong kalihokan gipangulohan sa R-PSB Team ubos sa superbisyon ni PLTCOL Edwin D. Verzon, Force Commander, diin gihisgutan ang mga programa ug lakang aron mapalambo ang panginabuhian ug kalinaw sa maong komunidad.
Kabahin usab sa aktibidad ang hiniusang pagtanom sa 2,000 ka coconut planting materials uban sa mga mag-uuma, nga gilauman mahimong dugang ug long-term nga panginabuhian sa mga residente ilabina sa marginalized sector.
Sumala sa kapulisan, ang maong inisyatiba nagpakita sa lig-on nga panaghiusa tali sa police ug komunidad sa pagdasig sa sustainable agriculture, food security, ug economic empowerment samtang gipadayon ang kalinaw ug kalambuan sa lugar.(JENIFFER JR. DELICA)
Source: PNP Zamboanga del Norte 2nd PMFC