Lain na usab nga sakop sa kapolisan nga nasikop sa pagpamaligya ug smuggled cigarettes nga na assign sa Guipos, Zamboanga del Sur, diin nasikop sa pagpamaligya og Smuggled Cigarettes sa Rizal, Zamboanga del Norte.
Ang dinakpan nailhan sa pangalan nga si Pat. Chenglei Vegare. Ang pagkasikop pinaagi sa usa ka Joint Intel Driven operation nga gipahigayon sa Rizal Municipal Police Station sa barangay New Dapitan Rizal,Zamboanga Del Norte kaniadtong Marso 16, 2025.
Nasakmitan ang suspek sa 200 ka reams sa Champion cigarettes nga gikatahong walay igong dokomento ug kini gikonsederar nga suspected smuggled cigarettes nga mokostar sa market value nga 229,200.00 ka pesos.
Sa pagkakaron ang suspetsado himas rehas na sa Rizal PNP ug kasamtangan ng mag atubang sa kasong ipahamtang batok sa sa suspetsado. (Angelica T. Obina)
(Source: ZNPPO)