Nakadawat ug P5,000 ka pesos ang 1,581 ka benefeciaries gikan sa 7 ka barangay didto gipahigayon sa Ground floor, Government Center Dapitan City.
Ang maong pag apod apod gipanguluhan sa mga kawani sa Department of Social Welfare and Development (DSWD) inubanan sa kagamhanang lokal sa Dapitan.
Kahibaloan nga ang mga benipisyaryo nagagikan sa barangays Canlucani (292), Carang (54), Guimputlan (293), Masidlakon (309), Banonong (292), Selinog (126) ug Sto. Niño (215).
Sa gihimong pagsubay kung kinsa ang mamahimong recipients gimugna pinaagi sa DSWD diin giklaro o gisuta kini nga sila gayud ang labing tabangunon ug naapektuhan sa kalisod sa paningabuhian sa ekonomiya ning kasamtangan,ilabina kadtong walay mga trabaho.
Gikalipay kaayo ug daku sa mga nakadawat kay tungod sa AICS program nakahatag na kaayo nila kining tabang sa ilang kapit-os nga pamuyo. (Angelica T. Obina)
(Source: Dapitan CIO)