Gipahigayon sa Dipolog School of Fisheries (DSF) ang 4th Quarter Meeting sa Provincial Technical Education and Skills Development Council (PTESDC) kaniadtong Disyembre 3, 2025.
Mitambong si TESDA Provincial Director Omarkhayyam I. Dalagan, Board Member Dante Bagarinao, DSF Administrator Licinio G. Lañojan, Academic representative Leila A. Amatong ug representante sa DTI-ZN.
Gisaysay sa TESDA ZN ang ilang accomplishments ug mga kakulangon sa pagpatuman sa skills training. Aduna sila’y 188 ka TVET programs, 13 ka micro-credential courses, 46 ka TVIs, 2 ka TTIs, 25 assessment centers, 138 qualifications ug 110 ka assessors.
Gipresentar usab ang scholarship programs sama sa TWSP, TTSP, PESFA, STEP, UAQTEA ug CFSP. Sa Region 9, Zamboanga City ang adunay labing dako nga allotment (P128.5M, 3,687 slots), gisundan sa Zamboanga del Sur, Zamboanga del Norte (P71M, 2,441 slots) ug Zamboanga Sibugay.
Nakita nga aduna pay higayon nga madugangan ang allotment sa Zamboanga del Norte. Busa, magpadala ang PTESDC og resolusyon ngadto sa TESDA Central Office aron hangyoon ang dugang slots ug allotment para sa probinsya.(IKEN B. GULLEM)
SOURCE: ZAMBOANGA DEL NORTE PROVINCIAL NEWS NETWORK