Gidayeg ang Dipolog City isip Regional Finalist, Rank 1 sa Component City (CC) Category sa 2025 Local Legislative Award atol sa 4th Quarter Continuing Local Legislative Education Program (CLLEP) ug Year-End Assembly sa Philippine Councilors League nga gipahigayon sa JPark Island Resort, Lapu-Lapu City.
Si City Councilor Dr. Ryan Niel A. Asprer ang midawat sa Award of Recognition alang sa lokal nga kagamhanan sa Dipolog.
Gipresentar ang maong pasidungog sa Department of the Interior and Local Government (DILG) inubanan sa Philippine Councilors League ug Vice Mayors League of the Philippines.
Ang pag-ila sa Dipolog City nagpasabot sa dakong kalampusan sa lokal nga lehislasyon, nga nakaamot sa maayong socio-economic development ug himsog nga environmental management, ug nagpalig-on sa dakong komitment sa lungsod alang sa epektibo, responsive, ug makabungga nga lokal nga pangagamhanan.(IKEN GULLEM)
SOURCE: DIPOLOG CITY GOVERNMENT