Malampusong mipailawom sa Government Energy Management Program (GEMP) ug Energy Audit Orientation ang buhatan sa Philippine Statistics Authority (PSA) sa Zamboanga del Norte, Nobyembre 11,2025.
Ang maong programa ug oryentasyon gipatuman pinaagi ni Engr. Kenneth Basiga sa Meralco Power Academy, certified energy auditor sa Department of Energy (DOE).
Ang Government Energy Management Program (GEMP) usa ka inisyatibo sa tibuok gobyerno nga nagpasiugda sa episyente nga paggamit ug pagkonserbar sa enerhiya sa mga pampublikong opisina, pagsiguro nga ang mga ahensya mosagop sa malungtarong mga gawi aron makunhuran ang konsumo sa enerhiya ug gasto subay sa RA 11285 o ang Energy Efficiency and Conservation Act samtang ang Energy Audit Orientation, sa laing bahin, nagsangkap sa mga personahe nga adunay kahibalo sa pagtimbang-timbang sa paggamit sa enerhiya, pag-ila sa mga lugar alang sa pagpaayo, ug pagpatuman sa mga lakang sa pagdaginot sa enerhiya.
Si OIC Supervising Statistical Specialist Andres S. Tapales, Jr., ug Administrative Officer I Kristine Faye R. Alistado aktibong mituman sa gikinahanglan nga mga dokumento ug madasigong mitubag sa mga pangutana sa auditor.
Gisulayan usab sa auditor ang lebel sa humidity, temperatura ug suga sa opisina nga nagtumong sa pagsusi sa pagsunod sa opisina sa GEMP Energy Audit Orientation.
Ang pag-audit nagkinahanglan og pagsumite sa mga may kalabutan nga datos o dokumento sama sa pagtudlo sa usa ka Energy Conservation Officer (ECO), ug Monthly submission sa fuel ug electricity consumption report.
Dayag niining kalihokan ang PSA Zamboanga del Norte nagpamatuod pag-usab sa episyenteng sektor sa enerhiya sa gobyerno nga maagpalig-on sa pasalig ug suporta sa panglantaw sa Departamento sa Enerhiya.(MEDALYN U. BORJA)
Source: PSA Zamboanga del Norte