Dakpan ang usa ka Newly identified High Value Individual (HVI) nga tigpayuhot sa ilegal nga drugas atol sa gikasa nga joint buy-bust operation sa mga tinugyanan sa balaod mga 3:40 ang takna sa kadlawon, Nobyembre 11,2025,didto sa Brgy. Manaol, Siocon, Zamboanga del Norte.
Ang dinakpan nga drug suspek naila nga usa ka 42 anyos nga babaye, minyo ,usa ka Barangay Treasurer, ug residente sa Brgy. Napulan, Sirawai, Zamboanga del Norte, kinsa gidakop pinaagi sa mga personahe sa Municipal Drug Enforcement Team (MDET) sa Siocon Municipal Police Station, uban sa koordinasyon sa 3rd Platoon sa 901st RMFB9, 2nd ZNPMFC, ug Zamboanga del Norte Provincial Drug Enforcement Unit (ZNPDEU).
Narekober sa operasyon gikan sa suspek ang usa ka heat-sealed transparent plastic sachet nga adunay sulod nga gituhoang shabu (buy-bust item), unom ka heat-sealed sachet nga adunay sulod nga gidudahang shabu (possession items), usa ka P1,000 bill isip buy-bust money, duha ka P100 bill, usa ka purple/black pouch, usa ka yellow cut straw, ug usa ka green nga lighter.
Ang kinatibuk-ang gibana-bana nga gibug-aton sa mga nasakmit nga mga butang anaa sa 15 gramos, nga gibana-bana nga mobalor og P102,000.00.
Ang mga nakumpiska nga ebidensiya sa drugas itugyan ngadto sa Zamboanga del Norte Forensic Unit, Liloy Satellite Office alang sa laboratory examination, samtang ang dinakpan anaa na sa kustodiya sa Siocon MPS ug mag atubang sa kasong paglapas sa Republic Act 9165 (Comprehensive Dangerous Drugs Act of 2002).(MEDALYN U. BORJA)
Source: ZNPPO