Nakumpiska sa hiniusang operasyon sa mga personahe sa kapulisan sa Dipolog City Police Station kauban ang Philippine Drug Enforcement Agency (PDEA) ang mobalor sa kapin P6-Milyones ug pagkasikop sa duha ka suspek , mga 9:10 ang takna sa kabuntagon,kagahapon Nobyembre 11,2025, didto sa Boulevard, Brgy Miputak, ning dakbayan sa Dipolog.
Naila ang mga suspek nga sila si alyas “Tino” 37,(HVI) Lalaki, minyo, walay trabaho,ug residente sa Poblacion, Rizal, Zamboanga del Norte ug alyas “Wilma”,(SLI) 29 anyos , babaye, walay trabaho ug residente sa Brgy Liyang, Dapitan.
Ang pagkakumpiska sa drugas ug pagkasikop sa maong mga drug suspek gihimo pinaagi sa mga operatiba sa Dipolog CPS (SDET),mga Elemento sa RDEU9 Team ZN , CRDEU9 kauban ang PDEA ZN, 1st ZN PMFC, PDEU, PDEG ug 97IB.
Na-recover sa mga otoridad atol sa maong operasyon, mao ang baynte ka piraso sa large size heat sealed transparent plastic cellophane nga adunay sulod nga white crystalline substance nga gituohang shabu isip buy bust item nga gibana-bana nga motimbang sa kapin o kulang 1,000 ka gramos nga mobalor sa Php 6,800,000.00.
Nakuha usab sa otoridad lakip ang mga ebedinsya nga dili drugas nga gilangkuban sa Usa ka piraso nga tinuod nga P1000 peso bill isip buy-bust money, Nine hundred ninety-nine ka piraso sa tig P1000 bill isip bugos/fake money ang,Usa ka Julies paper bag,Usa ka eco bag color blue nga adunay sulod nga Usa ka Chinese Pin Wei nga adunay marka nga 789 nagsilbing sudlanan sa shabu , driver’s license sa suspek nga lalaki, Usa ka unit Toyota Veloz kolor itom nga adunay plate no. JAQ 1109 , ug Usa ka ASUS backpack bag kolor itom.
Ang mga nakumpiska nga butang sa gituohang shabu isumiter sa Zamboanga del Sur PDEA Forensic Unit para sa qualitative ug quantitative examination.
Samtang ang mga suspek dad-on ngadto sa Zanorte medical Hospital alang sa medical examination nga temporaryong gitanggong karon sa Dipolog CPS alang sa pag andam sa kasong inquest alang sa paglapas sa Section 5 sa RA 9165 batok kanila una kini pasakaan og tukmang kaso ngadto sa korte.(MEDALYN U. BORJA)
Source: Dipolog City Police Station