Gumikan sa kadaghan maoy hinungdan sa kalangan sa pagpaprinta sa National ID maoy rason nga delatar ug wala pa nadawat ang ubang ID.
Kini ang gipasabot ni Ms. Melody Tabigne, ang Philippine Identification System (PhilSys) ID Focal Person sa Philippine Statistics Authority (PSA) Zamboanga del Norte atul sa pagbukas sa 34th National Statistics Month ning bulan sa Oktubre.
Dugang ni Ms. Tabigne nga kaniadtong tuig 2021 ug 2022 nagpahigayon ang PSA sa mass registration sa National ID.
Niini, sa usa ka adlaw miabot sa 250,000 registrants ug dili makaya sa Bangko Sentral ng Pilipinas (BSP) kinsa maoy gitahasan ug otorisado  sa pagprinta sa maong ID gumikan kay makaprinta lamang sila’g 80,000 cards sa usa ka adlaw.
Gawas niini, dugang ni Ms. Tabigne nga kung ma-upload na ang datus, moagi pa kini ug verification sa computer.
Kung dili makita sa computer, ipa-manual pa kini sa pag-verify.
Kini sama sa pagsusi sa pangalan, biometric ug marital status nga walay kapareha ug insakto ba.
Sa pagkakaron, anaa na sa 37 milyones ang nakaparehistro sulod sa 92 milyones nga populasyon sa Pilipinas.
Dinhi sa Zamboanga del Norte, anaa pa sa 86% ang narehsitro karon sa probinsyal nga buhatan sa PSA.
Dugang awhag ni Ms. Tabigne nga kinsa kadtong nakapa-reshistro na sa National ID ug wala pa nakadawat sa electronic Philippine ID o ePhilID, mobisita lamang sa ilang buhatan aron masubay kini.
(Source: Provincial Information Center ZaNorte Facebook page)