Mainitong giabi-abi ni Mayor Evelyn T. Uy ang mga opisyal gikan sa Department of Trade and Industry (DTI) ug Negosyo Center sa ilang courtesy visit niadtong Hulyo 21, 2025, sa Mayor’s Office ning syudad sa Dapitan.
Ang delegasyon gipangulohan ni Provincial Director Estrella M. Roda, uban nila Trade and Industry Development Specialist Sweet Lyra M. Malate, Business Counselor Ma. Asley A. Quezon, ug Trade and Industry Analyst Clyde Juliven Dinawanao.
Ang maong pagbisita kabahin sa pagpalig-on sa kooperasyon tali sa City Government ug DTI alang sa padayon nga suporta sa mga lokal nga negosyante, ilabi na ang mga micro, small, ug medium enterprises (MSMEs) sa Dapitan City.
Nagpahayag si Mayor Uy sa iyang pasalamat sa DTI sa ilang padayon nga inisyatibo sa pagpasiugda sa kalambuan sa ekonomiya sa dakbayan pinaagi sa pagpalambo sa mga negosyo sa mga Dapitanon.(Jumalisa Papa)
Source: Dapitan City Government