Malampusong gipahigayon ang ika-51 nga Nutrition Month Celebration, pinaagi sa pakigtambayayong sa City Nutrition Division ug sa Barangay Council sa Turno, didto sa Barangay Turno covered court ning syudad sa Dipolog, Hulyo 21, 2025.
Ang maong kalihokan gipangulohan ni City Nutrition Action Officer Ms. Riza Jane B. Zamoras, ug ni Punong Barangay Hon. Ramoncito G. Barbaso Jr., uban sa mga barangay officials, mga ginikanan, kabataan, ug mga myembro sa komunidad nga aktibong misalmot sa nagkadaiyang aktibidad.
Naglakip sa mga kalihokan ang Booth Display Contest, Cooking Contest, ug ubang mga aktibidad nga nagtumong sa pag-edukar ug panghatag sa kalingawan kabahin sa nutrisyon.
Tumong sa maong selebrasyon ang pagpalig-on sa kahibalo sa nutrisyon, pagdasig sa husto ug sustinableng pagkaon, ug pagpauswag sa kahimsog sa lawas, ilabina sa mga kabataan ug pamilya.
Nagpabiling aktibo ang City Nutrition Division sa pagpatuman sa mga programa nga makatabang sa pagpalambo sa nutrisyon ug kahimsog sa mga Dipolognon.(Jumalisa Papa)
Source: Dipolog City Government