Si PCOL. Rainer P Diaz,bag-ong Provincial Director sa Zamboanga del Norte Police Provincial Office (ZNPPO) nga anaa sa 662 ka mga kapolisan ang total deployment sa nagkalain-laing dapit sa Zamboanga del Norte atol sa Send-off Ceremony sa Camp Hamac, Brgy Sicayab ning Dakbayan alang sa malinawong kasaulogan sa Semana Santa 2024.
Dakung pasalamat nga gidawat ni ZNPPO Deputy Police Director for Administration, Police Lt. Col. Charisse Yabo ang contingent nga midawat sa serbisyo para sa ikalinaw sa tibuok ZaNortehanon panahon sa pagsaulog sa Semana Santa diin siya hugtanon nga midawat sa maong commitment para ma seguro ang kahapsay ug kalinaw sa tibuok probinsya sa Zanorte.
Matud pa ni ZNPPO DPDO, Lt. Col. Roselily Baguio ang contingent nga gilangkuban sa mga elemento sa Police Provincial Headquarter, Dipolog City Police Station, Dapitan City Police Station, Polanco Municipal Police Station, Katipunan MPS, Tourist Police ug PECU.
Mapasalamaton si Col. Diaz sa mga nasangpit nga mga pulis sa pag-dawat sa maong assignment ug ge remind niya ang mga kapolisan nga ang maong tahas usa ka importante ug sensiro alang na sa katawhan kay kini usa ka mahinungdanon sa ilang gimbuhaton panahon sa Semana Santa isip tigpanalipod sa katungod ug kinabuhi sa katawhan ilabi na sa ikalinaw sa tibuok probinsya.
Padayun niyang gisaysay sa mga kapulisan sa ilang mahinungdanon tahas panahon sa selebrasyon. Dugang pa sa opisyal nga ang mga nahisgutang mga pulis, ipahimutang sa mga estratehikong lugar sama sa Simbahan mga Airport,pantalan, bus terminals, tourist spots and resorts,ug apil na assistance desks para sa katawhan, turista ug para usab sa mga dunay namatikdang kadudahang lihok sa usa ka tawo,ipahibalo gyud dayun sa kapolisan aron himuan ug aksyon.
Sa panapos nga pamayahag PCOL Diaz ang tanang katawhan sa paghatag ug pag-ampo alang sa nasangpit nga mga kapulisan nga unta magiyahan sila sa Ginoo nga sa ilang pagpangalagad isip tigpanalipod sa kinabuhi kalinaw ug kaluwasan sa tanang katawhan sa Zanorte. (Angelica T. Obina)
