Usa ka malampuson nga buy-bust operation ang nahimo sa Bohol Police Provincial Office batok sa usa ka babaye nga big-time drug dealer.
Pasado alas 10:55 kagabii, Marso 27, 2024 gilusad ang maong operation didto sa Purok 2, Barangay Poblacion, lungsod sa Dauis, Bohol.
Mga binultong shabu ang nasakmit sa suspetsado na adunay timbang nga kapin sa kilo ug standard drug value nga P7.1 milyon.
Ang pagkasikop sa maong tigpayuhop sa ginadiling drugas tungod sa mga concern citizen na nagpakabana sa ilang lugar ug nitaho sa kapulisan.
“Through reliable information from the public, Police Regional Office 7 was able to track and arrest the suspect. We shall remain committed to cut the supply of illegal drugs in Central Visayas in firm adherence to the BIDA Program of SILG Atty. Benjamin Abalos Jr., and PNP’s 5-Focused Agenda”, segon ni PBGen Anthony Aberin.
Sa pagkakaron giandam na ang kasong kalapasan sa R.A 9165 o the Comprehensive Dangerous Drugs Act of 2002, samtang ang mga ebedisya gi sumiter na sa Bohol Provincial Forensic Unit para sa examination ug disposition. (Renante Lada)
(Source: PRO-7)