Nagkatigom ang mga miyembro sa Provincial Anti-Drug Abuse Council (PADAC) alang sa Provincial Workshop on the Formulation of the 2026–2028 Local Anti-Drug Plan of Action (LADPA) nga gipahigayon sa Top Pensionne, Dipolog City, sugod Nobyembre 6 hangtod 7, 2025.
Ang maong kalihokan, subay sa Memorandum Circular No. 2021-044 sa Department of the Interior and Local Government (DILG), nagtumong sa pagpalig-on sa plano batok sa ilegal nga droga ug sa paghiusa sa mga estratehiya sumala sa panginahanglan sa lalawigan. Si Engr. Dioscoro G. Endab, PADAC Focal Person, mipasabot nga ang LADPA maoy giya sa mas epektibong pagbatok sa droga.
Mitambong usab si 2nd District Board Member Hon. Michael “Jojo” Documento, nga mipaabot sa mensahe ni Gobernador Darel Dexter T. Uy, diin iyang gipadayag ang bug-os nga suporta sa mga inisyatiba batok sa ilegal nga droga aron mapadayon ang kalinaw ug kahapsay sa Zamboanga del Norte.(JENIFFER JR. DELICA)
Source/Photo Courtesy: Zamboanga del Norte Provincial News Network